Елімізде коронавирус инфекциясынан бір адам қайтыс болды

Қазақстанда коронавирус инфекциясынан бір әйел қайтыс болды деп хабарлайды KAZ.NUR.KZ.

Көрнекі фото: pixabay.com: UGC

Бұл туралы ақпарат және қоғамдық даму министрі Даурен Абаев мәлімдеді.

"Өкінішке қарай бүгін коронавирустен науқас бір әйел қайтыс болды. Бұл орны толмас ауыр қаза. Марқұмның жақындарына көңіл айтамыз", - деді ол.

Министр халыққа сақтық шараларын орындауды өтінді.

"Үйде болыңыздар! Аман болайық. Ертең Нұр-Сұлтан қаласының Денсаулық сақтау басқармасы көз жұмған әйелге қатысты ақпаратты береді. Бұл жағдай – коронавирус инфекциясының қаупін тағы бір еске салып отыр. Қазір болып жатқан жағдай – бәріміз үшін сынақ. Оқшаулану бойынша биліктің барлық талабын орындау керек", - деді Даурен Абаев.

Дүниежүзілік денсаулық сақтау ұйымы статистикасына сәйкес, қазіргі уақытта әлемде коронавирус инфекциясын жұқтырғандар саны 472,4 мыңнан асты.

Бүгінде әлем бойынша 21,3 мыңға жуық науқас қайтыс болды, ал 114,7 мың адам аурудан айығып шықты.

Дертке шалдыққандар саны бойынша бірінші орында Қытай тұр, ал қайғылы жағдайлар Италияда көп тіркелді.

Коронавирус жұқтырғандар:

Қытай- 81,2 мың адам

Италия-74,3 мың адам

АҚШ - 68,4 мың адам

Салыстыру үшін Қазақстан-97 адам.

Қайғылы жағдайлар:

Италия-7,5 мың

Қытай-3,2 мың

АҚШ-1,1 мың

Қазақстан-0.

Елімізде коронавирустан жазылғандар саны 2. Ал қытайлық дәрігерлер 74 мың науқасты дерттен айықтырды. Жаңа деректер Америка Құрама Штаттарында көп тіркелуде. Аталған статистика сағат сайын артып келеді.

Естеріңізге сала кетейік, Денсаулық сақтау министрлігі Қазақстанның өзге өңірлеріне қандай жағдайда карантин енгізілетінін айтты. Ведомствоның ресми өкілінің сөзінше, бұл үшін COVID-19 жұқтырғандардың саны бестен асуы керек.

Ең маңызды әрі қызықты жаңалықтарды біздіңTelegram арнамыздан оқыңыздар!