RU

Атырау облысы әкімінің бұрынғы орынбасары Сайлауова бостандыққа шықты

Атырау облысы әкімінің бұрынғы орыньасары Нұрсәуле Сайлауова темір тордан босап шықты. Экс-шенеунік өзінің жазасы мен келтірген шығындарын толығымен өтеген деп хабарлайды KAZ.NUR.KZ.

Бұл туралы Сайлауованың адвокаты Анар Құсаинова өзінің Facebook парақшасында мәлім етті.

Заңгердің сөзінше, Нұрсәуле Сайлауқызы қамаудан босатылған, ал сот облыстық прокуратураның наразылығын қанағаттандырмапты.

Атырау облыстық сотының баспасөз қызметі Tengrinews.kz-ке бұрынғы орынбасардың 7,1 миллион теңгені құраған материалдық шығынды өтегені туралы ақпарат берген.

Сонымен қатар, Нұрсәуле Сайлауованың қамқорлығында баласы және қарт анасы бар. Осыған байланысты сот оны екі жылға бас бостандығынан айырған болатын. Бұл мерзім аяқталғандықтан ол қамаудан босатылды.

Естеріңізге сала кетсек, бұған дейін Атырауда облыс әкімінің бұрынғы орынбасары мен білім беру саласы экс-басшыларына қатысты іске нүкте қойылғаны туралы жазған едік.

Өткен жылдың 18 наурызында сыбайлас жемқорлыққа қарсы іс-қимыл ұлттық бюросы департаментінің қызметкерлері Нұрсәуле Сайлауованы қамауға алған болатын.

Мемлекет бюджетінен 110 млн теңгені талан-таражға салды деп айыпталған 8 адамға қалалық №2 сот осы жылдың ақпан айында үкім шығарды.

Тағы да оқыңыздар

Гиннес рекордтар кітабына енген қазақстандықтар тізімі

Сот шешімі шыққанға дейін Сайлауова тергеу изоляторында болғандықтан оның 10,5 айындағы әр күні «екі күн» болып саналған. Осылайша, ол үкім шыққан соң үш айдан кейін босатылды.

Ең маңызды әрі қызықты жаңалықтарды біздің Instagram парақшамыздан оқыңыздар>>

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Қазақстанның басқа да жаңалықтары