RU

Әншілерді шегірткеге теңеген Нұрсиланың шәкірттері ұтыс ойынын ұйымдастырғаны анықталды

Қазіргі уақытта әншілердің "лотерея" ойнатуы сәнге айналып кетті. Ал оның артында кімдердің тұрғанын халық біле бермейді. Осы орайда отандық теле бағдарлама ұтысты ұйымдастырушылар туралы ақпарат жинастырды. Соның нәтижесінде олардың бірқатары бизнес-тренер Ахметбек Нұрсиланың шәкірттері болып шыққан. Ал кәсіпкердің өзі бұл ақпараттың шындыққа жанасатынын мойындады деп жазады KAZ.NUR.KZ порталы.

Бұл туралы Ахметбек Нұрсила Астарлы ақиқат бағдарламасында айтып, ондай оқушыларымен енді жұмыс істемейтінін мәлімдеді.

"Сен Алашты емес ақшаны, халықты емес қалтаны ойлап кеттің" дедім де шығарып тастадым. Маған жасаған жаманшылығы жоқ. Бір ауыз сөз де айтқан жоқ, қарсы да келмейді. Балам сияқты болды", - деді кәсіпкер. 

Ол ұтыс ұйымдастырған шәкіртерінің тірліктеріне "мен төрелік етпедім" дейді.

"Егер осы ойнатып жүрген адамдардың үстінде мен тұратын болсам, сол бүкіл халықтың қарғысы және қарызы менің мойнымда ілінсін", - деп сөзін түйіндеді Ахметбек Нұрсила.

Айта кетейік, әлеуметті желіде "лотерея" ұйымдастырған қазақ эстрадасы әншілерінің көбісінің соңғы уақытта бастары дауға қалып жүр. Соның бірі - Ернар Айдар. Өнер иесінің карантин уақытында ұтыс ойнатып, тікелей эфирде қолға түскенін күллі жұрт көрді.

Тағы да оқыңыздар

Қорқыт ата туралы не білеміз?

Осыдан кейін белгілі кәсіпкер Ахметбек Нұрсила әншілерді "шегірткеге" теңеген болатын. Оның пікірін көпшілік қауым қолдап, әртістерді жерден алып, жерге салды.

Еске сала кетесек, бұған дейін "Астарлы ақиқат" бағдарламасында Айгүл мен Бүркіт қонақ болып, өнер иелерінің лотерея ойнатуына қатысты пікір білдірген.

Ең маңызды әрі қызықты жаңалықтарды біздің Telegram арнамыздан оқыңыздар!

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Қазақстанның басқа да жаңалықтары