RU

Армениялық көліктерді тіркеуге қатысты сұрақтар үшін Call-орталық құрылды

Алматы полициясы Армениядан әкелінген көлік құралдарын тіркеуге қатысты сұрақтар үшін Call-орталық құрды деп хабарлайды KAZ.NUR.KZ порталы Polisia.kz-ке сілтеме жасап.

Алматы қаласының полиция департаментінде тіркелу шарттары туралы барлық қажетті ақпаратты алу үшін Call-орталық жұмыс істейді: 8-747-080-01-56; 298-50-71. "Шұғыл желі" жұмыс кестесі: 9.00-ден 19.00-ге дейін.

“Үкіметіміздің қаулысы” (Қазақстанға әкелудің және қазақстандықтардың Арменияда тіркелген жеке көлік құралдарын пайдаланудың кейбір мәселелері туралы ), қазақстандықтарға Армениядан 2020 жылдың 1 ақпанына дейін әкелінген автокөліктерді тіркеуге мүмкіндік берді.
Үкімет тұрғындардың 2020 жылдың 1 ақпанға дейін Армениядан әкелген автокөліктерді тіркеуге шешім қабылдады. Екіншіден, осы жылдың 1 маусымы мен 1 қыркүйегі аралығында тіркеу жүргізу қажет. Үшіншіден, тек сол жақтағы басқару элементтері бар автокөліктер тіркеуге жатады. Төртіншіден, үш төлеммен шектеу туралы шешім қабылданды: тіркеу жарнасы – 695 теңге, тіркеу куәлігі үшін төлем – 3 мың 473 теңге және мемлекеттік тіркеу нөмірі үшін – 7 мың 778 теңге.
Төлемдердің жалпы сомасы 11 мың 946 теңгені құрайды", – деп түсіндірді, Алматы қалалық ПД басшысының бірінші орынбасары Нұрлан Алмасбеков.

Тағы да оқыңыздар

Гиннес рекордтар кітабына енген қазақстандықтар тізімі

Сонымен қатар, спикер көлік құралдарын тіркеу үшін келесі құжаттарды ұсыну керектігін атап өтті:

  1. жеке басын куәландыратын құжат;
  2. мемлекеттік тіркеу алымының төленгені туралы құжаттар ҚР Салық кодексінің 615-бабына сәйкес айлық есептік көрсеткіштің және мемлекеттік баждың 0,25% мөлшерінде;
  3. Армения Республикасының уәкілетті органы шығарған көлік құралдарына арналған СРТС және МТНБ;
  4. автокөлік құралдарын тіркеуге ұсынылған, мемлекеттік немесе орыс тілдерінен басқа тілде жасалған құжаттар мемлекеттік немесе орыс тілдеріне аударылған және аударманың дәлдігі туралы нотариустың немесе осындай әрекеттерді жасауға уәкілеттік берілген басқа адамның қолтаңбасы болуы керек;
  5. арнайы жазбаларға келесі жазбалар енгізіледі: “TСРА” және “басқа тұлға үшін тіркеуге жатпайды”;
  6. Қазақстан Республикасында шығарылған көлік құралында СРТС және (немесе) МТНБ жоғалған жағдайда, олардың жоғалу жағдайлары жазбаша түрде көрсетіледі;
  7. МТНБ жоғалған жағдайда, көшірмесін беру бірыңғай ақпараттық жүйеге өзгерістер енгізбестен оларды жасау арқылы жүзеге асырылады.
"2020 жылдың 1 ақпанынан кейін әкелінген көлік құралдарын тіркеуге рұқсат етілмейді. Сонымен қатар, Армения Республикасының уәкілетті органы берген тіркеу құжаттарында меншік иесі ретінде көрсетілмеген адамдарға тіркеу жүргізілмейді", – деп түйіндеді Алмасбеков.

Тағы да оқыңыздар

Бөлмеде өсіруге арналған гүлдер

Еске сала кетейік, премьер-министр Асқар Мамин 20 мамырдан бастап Қазақстанда Армениядан әкелінген көлік құралдарын уақытша тіркеуге рұқсат беруді қарастыратын қаулыға қол қойған болатын.

Ең маңызды әрі қызықты жаңалықтарды біздің Telegram арнамыздан оқыңыздар!

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Қазақстанның басқа да жаңалықтары