RU

"Екі жас кіші": Екінші рет тұрмыс құрған Жорабаева күйеуі туралы бар шындықты айтты

Автор:

Отандық эстрада жұлдызы Алтынай Жорабаева бірер күн бұрын қыздарының келісімімен екінші рет тұрмысқа шыққанын хабарлап, көпшілікті таңғалдырған болатын. Өнер иесі жүрегін жаулап алған азаматтың кім екенін біле алмай әлек болған жанкүйерлеріне сүйіктісі туралы бар шындықты өзі айтып берді. Белгілі болғандай, көпбалалы әнші өзінен екі жас кіші ер адаммен көңіл қосқан деп жазады KAZ.NUR.KZ.

Фото: Instagram.com/ayauka_askarkyzy/видеодан кадр. Коллаж: KAZ.NUR.KZ

Соңғы екі күнде жеке өмірі қызу талқыланып жатқан Алтынай Жорабаева халықпен байланысқа шығып, ел көкейіндегі сұрақтарға жауап берді. Ол Instagram парақшасына арнайы видео үндеу жүктеп, тың мәліметтермен бөлісті.

Екінші рет тұрмысқа шыққан өнер иесінің таңдауы арғын руынан шыққан қостанайлық жігітке түскен.

Әнші жолдасының мінезі туралы айтып, жүзікті не себепті ел алдында тақпағанын түсіндірді.

"Қайырлы күн қымбаттыларым. Қалайсыздар? Міне байқағаныңыздай жүзік тағылды. Ол халықтың алдына шығып таққысы келген жоқ. Себебі, ол өзі ұялшақ жігіт, кішкене орыс мінезді. Өнерді онша түсіне бермейді. Халықтың алдына шығу ол үшін аса қиын сияқты көрінеді. Сол үшін оған да түсіністікпен қарайық. Ол туралы қысқаша мәлімет - Қостанайдың жігіті, арғынның жігіті.

Тағы да оқыңыздар

Қорқыт ата туралы не білеміз?

Менен екі жас кішкентайлығы бар. Қыздарыма жақсы әке болып жүр деп есептеймән. Себебі, қыздарымның келісі көбірек болды маған қарағанда. Халықтың алдында жүрген өнер адамы болғандықтан, қырықтан асқан келіншек болғандықтан менің әрбір қадамым сынға түседі. Мен бұл шешімді ұзақ ойланып шештім. Тілектеріңізге размет. Өздеріңізге еселеніп қайтсын" , - деді Жорабаева.

Айта кетейік, бұған дейін Алтынай Жорабаеваның жолдасы туралы оның келіні айтып қойған болатын. Талғат Жорабаевтың жары қайын әпкесі өзіне одан бетер жақындай түскенін астарлап жеткізді.

Ең маңызды әрі қызықты жаңалықтарды біздің Telegram арнамыздан оқыңыздар!

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Ұсынылған мақалалар

NUR.KZ әлеуметтік желілерде