RU

Нұр-Сұлтанда карантин режимі жеңілдемейді

Нұр-Сұлтан билігі алдағы күндері қаладағы карантин режимін жеңілдетуді жоспарлап отырған жоқ. Бүгін елорда әкімі Алтай Көлгінов коронавирус инфекциясының таралуына қарсы күрес бойынша жиын өткізді. Бұл туралы KAZ.NUR.KZ Нұр-Сұлтан қаласы әкімдігінің ресми сайтына сілтеме жасап хабарлайды.

Әкімдік хабарлауынша, қала тұрғындары санитарлық нормаларды қатаң сақтауы тиіс. Қаланың периметрі бойынша блок бекеттер жұмысын жалғастыруда. Қаланы патрульдеу, кәсіпорындардың санитарлық нормаларды сақтауы, халық арасында түсіндірме жүргізуге полицейлердің барлық құрамы жұмылдырылды. Дәрігерлер мен волонтерлер және т.б. күшейтілген режимде жұмыс істеуде.

"Карантин режимі жеңілдегеннен кейін қазір көшелерде адам көп. Күн сайын жүргізіліп жатқан рейд қатаң санитарлық нормаларды сақтау қажетін көрсетіп отыр: санитарлық-эпидемиологиялық талаптарды бұзғаны үшін 26 нысан жабылды, олар құрылыс компаниялары, дәмханалар мен мейрамханалар, қонақүйлер және т.б.150-ден астам кәсіпорын ескерту алып, кейбіріне айыппұл салынды.
Рейд кезінде саябақтар мен гүлзарларда адамдар топтанып, маскасыз жүретіні анықталды. Осының бәрі инфекцияның тез таралуына әкелуі мүмкін. Дәрігерлерге вирусты дер кезінде анықтап, індет ошағын жою қиын болады. Осыған орай полицейлер күшейтілген режимде жұмыс істеп, халыққа түсіндірмені күшейтіп, қызметі рұқсат етілген компаниялар жұмысына күндетікті мониторинг жүргізуі тиіс. Санитарлық нормаларды бұзған нысандар жабылады. Вирус жұқтыру қаупі әлі бар, сондықтан босаңсуға болмайды", - деді Алтай Көлгінов.

Тағы да оқыңыздар

Гиннес рекордтар кітабына енген қазақстандықтар тізімі

Қала әкімі әркім өзінің және жақындарының денсаулығы үшін әлеуметтік жауапкершілік таныту керегін айтты. Өкінішке қарай, ауырғандардың 40%-ы 18 бен 30 жас арасындағы жастар, 36%-ы 30 дан 50-ге дейігі адамдар.

Айта кетейік, астаналықтар өз-өзін оқшаулаудың әлемдік рейтингінде ең нашар көрсеткіш көрсетті.

Ең маңызды әрі қызықты жаңалықтарды біздің Telegram арнамыздан оқыңыздар!

Қазақстандағы соңғы жаңалықтар мен фото, видео және өзге де эксклюзивтер жайлы алғашқылардың бірі болып біліңіз!

Қазақстанның басқа да жаңалықтары