Сәуір айының соңында магниттік дауыл болуы ықтимал: Не істеу керек

2022 жылғы 19 сәуірде магниттік дауыл басталып, оның күші 4 баллға дейін жеткен болатын. 22, 23 және 28 сәуірде де магниттік дауыл болуы ықтимал, деп жазады rsute.ru сайтына сілтеме жасаған KAZ.NUR.KZ тілшісі.

Оптимистік болжамдарға қарамастан, метеопаттарға (ауа райындағы өзгерістерге сезімтал адамдар) сақ болған жөн. Магниттік дауыл кезінде адамдардың созылмалы аурулары қоза түседі. Ал дені сау адамдар бұл кезеңді әсте байқамай қалуы мүмкін.

Әсіресе, магниттік дауыл кезінде жүрек-қан тамырлары және жүйке жүйесінде ақауы бар адамдар, артық салмақ жинап алған жандар қан қысымы көтеріліп, өзін жайсыз сезінуі мүмкін.

Денсаулығына ауа райы тікелей әсер ететін адамдар магниттік дауыл кезінде үйден шықпағаны жөн. Егер мұндай мүмкіндік болмаса, көлік жүргізіп, маңызды кездесулерге барып, қиын жұмыстарға кіріспеген дұрыс.

Магниттік дауылмен қалай күресу керек:

Қажетті мөлшерде сұйықтық ішіп отыруды ұмытпау;

Жиі таза ауаға серуенге шығу;

Жылы ванна және контрастылы душ;

Кофе мен алкогольден бас тарту;

Ұйқы және демалыс режимін сақтау;

Шөптен жасалған шай ішу;

Магниттік дауыл кезінде таза ауада көп уақыт өткізген дұрыс. Мейлінше жеңіл тамақ ішіп, ұйқыны қандырып, гимнастика жасағанның пайдасы көп. Ал созылмалы ауруы бар жандар қажетті дәрі-дәрмегін ұмытпауы қажет.