Нұр-Сұлтанда коронавирусқа байланысты қатаң шектеулер енгізіле ме

Қазақстанның бас санитарлық дәрігері Айжан Есмағамбетова ОКҚ өткен брифингте елордада эпидемиологиялық жағдайдың нашарлау үрдісі бар-жоғына қатысты пікір білдірді, деп хабарлайды KAZ.NUR.KZ тілшісі.

Есмағамбетова 15 шілдеден бастап эпидемиологиялық жағдайды бағалау матрицасы жаңартылғанын еске салды. Қазір ол денсаулық сақтау саласына түсетін ауыртпалықты сипаттайтын көрсеткіш – ауруханаға жатқызудың тәуліктік көрсеткішіне негізделген.

Сондықтан оның айтуынша "R" көрсеткіші әлі де матрицада қалады.

"Соңғы бірнеше күнде біз жағдайдың тұрақтану үрдісін көріп отырмыз. Екіншісі – Нұр-Сұлтандағы "R" көрсеткіші, ол күн сайын төмендеп келеді, бүгінде ол бірден сәл артық: егер шатаспасам 1,098 болу керек.

Сәйкесінше, бұл Нұр-Сұлтандағы жағдайдың нашарлау емес, тұрақтануға бет алғанын көрсетеді", – деп қосты бас санитар дәрігер.

Осыған байланысты, оның айтуынша, биліктегілер Нұр-Сұлтанда қандай да бір қосымша қатаң шектеулер енгізуді жоспарлап отырған жоқ.

"Бірақ көп нәрсе өзімізге, біздің жүріс-тұрысымызға және Денсаулық сақтау министрлігінің ұсыныстарын орындауымызға байланысты. Нұр-Сұлтан "сары" аймақта болғанымен, бұл ең болмағанда қоғамдық көлікте және жабық ғимараттарда бетперде киюді білдіреді", – деп түйіндеді ол.