Павлодарда ер адам толғағы қысқан әйелін өзі босандырып алды

Павлодар қаласының тұрғыны жедел-жәрдем қызметкерлері келгенше 23 жастағы әйелін босандырып алған. Бұл туралы "ИРБИС TV" медиа-порталына сілтеме жасаған KAZ.NUR.KZ хабарлайды.

"103" баспасөз қызметінің хабарлауынша, қоңырау келіп түскен кезде босанған әйелдің мекенжайына медициналық бригада жіберілген.

10 минуттың ішінде келген дәрігерлер жас ананы күйеуі босандырып алғанын анықтады. Дүниеге қыз бала келген.

"Кіндігін кесіп, емдеп, жас босанған әйел мен баласын Павлодар қалалық №1 ауруханасына жеткіздік. Біз мұндай қоңырауларға 15 минут ішінде жетуіміз керек, бірақ соңғы жылдары біз үшін 7-8 минут қалыпты болып барады", - дейді дәрігерлер.

Еске салсақ осыған ұқсас оқиға Екібастұзда болған еді. Ер адам толғағы қысқан әйелін үйде өзі босандырып алды.

Әйел жүктіліктің 41-аптасында болған. Жедел жәрдем бригадасы шақыртудан соң тоғыз минуттан кейін жеткен.

Мәтіннен қате тапсаңыз, бізге жазыңыз