Астанада астан уланған 20 адам ауруханаға түсті

Кеше елордадағы "Көктем" дәмханасынан ас ішкен адамдардың ішек инфекциясынан жаппай улану жағдайы тіркелді. Бұл туралы Астана қаласы Санитариялық-эпидемиологиялық бақылау департаменті басшысының орынбасары Жанна Пралиева мәлім етті, деп хабарлайды Kazinform.

Агенттіктің хабарлауынша, аталған факті бойынша дәмханада эпидемиологиялық тергеп-тексеру жұмыстары басталды.

"Бүгінде астан уланғандар саны 20 адамға жетті, оның 11-і бала. Зертханалық зерттеулерге тағам өнімдері, сыртқы ортадан алынған жұғындылар, сондай-ақ қызметкерлер тексерілді", - деді Жанна Пралиева.

Қазір зертханалық сынақ нәтижелері әзірленіп жатыр. 

"Тергеу және эпидемияға қарсы іс-шаралар жалғасып жатыр. Сондай-ақ, жаппай улану жағдайының тіркелуіне байланысты полиция басқармасы тарапынан сотқа дейінгі тергеп-тексеру басталды", - дейді ол.