Алматыда бір донордан алынған ағзалар алты адамның өмірін сақтап қалуға мүмкіндік берді

Алматы Орталық қалалық клиникалық ауруханасының базасында 1962 жылы туған әйелден қайтыс болғаннан кейін донорлыққа ағзалар алынды, деп хабарлайды Денсаулық сақтау министрлігіне сілтеме жасаған KAZ.NUR.KZ.

Донордың туыстары келісім бергенінің арқасында бірден өмірлік маңызы бар бірнеше ағзаны трансплантациялауға мүмкіндік туды:

• жүрек 1988 жылы туған пациентке;
• бауыр 1982 жылы туған пациентке;
• оң бүйрек – 1996 жылы туған пациентке;
• сол жақ бүйрек – 2017 жылдың қазан айынан бастап трансплантаттауды күткен 1966 жылы туған пациентке;
• мөлдір қабық 1983 және 1956 жылы туған пациенттерге салынды.

Процесті ұйымдастыру мен үйлестіруді Алматының жетекші трансплантаттау орталықтарымен бірлесіп, ДСМ Республикалық трансплантаттауды және жоғары технологиялық медициналық қызметтерді үйлестіру орталығы қамтамасыз етті. Бұл "Кардиология және ішкі аурулар ғылыми-зерттеу институты" АҚ, "Сызғанов атындағы Ұлттық хирургия ғылыми орталығы" АҚ, Алматы қаласындағы "Орталық қалалық клиникалық аурухана" ШЖҚ КМК.

Дәрігерлер донордың жасына қарамастан, ағзалар жақсы жағдай болғанын атап өтті.

"Бұл өмірді сақтап қалуға келгенде жастың кедергі емес екенін тағы бір рет растайды. Республикалық орталық донордың отбасына олардың батыл шешімі үшін, сондай-ақ үйлесімді жұмысы аса күрделі процесті жоғары деңгейде жүргізуге мүмкіндік берген медицина мамандарына зор ризашылығын білдіреді", - делінген министрлік хабарламасында.

Мәтіннен қате тапсаңыз, бізге жазыңыз