Ақтөбеде қораптан жаңа туған нәрестенің денесі табылды
Жарияланған күні:

Ақтөбедегі көпқабатты үйлердің бірінің жанынан қағаз қорапқа салынған жаңа туған сәбидің өлі денесі табылды, деп хабарлайды Ішкі істер министрлігінің Polisia.kz Telegram-арнасы.
Ведомствоның мәліметінше, полицияға 19 желтоқсан күні сағат 22:05-те Жұбанова көшесіндегі көпқабатты үйдің жанынан қағаз қорапқа салынған нәрестенің өлі денесі табылғаны туралы хабарлама келіп түскен.
Оқиға орнына жедел-тергеу тобы жіберілген. Келіп жеткен полиция қызметкерлері қораптан жаңа туған ұл баланың денесін тапқан.
Қазіргі таңда аталмыш фактіге қатысты Қылмыстық кодекстің 100-бабы ("Ананың жаңа туған баланы өлтіруі") бойынша сотқа дейінгі тергеу басталған. Сот-медициналық сараптама тағайындалған.
Құзырлы орган сәбидің анасының жеке басын анықтау үшін жедел іс-шаралар жүргізіліп жатқанын айта кетті.
Мақаланың түпнұсқасы: https://kaz.nur.kz/health/motherhood/2002290-aqtobede-qorapqa-salyngan-zana-tugan-narestenin-denesi-tabyldy/