Адасып кеткен есек бөтен үйдің төбесінен түсіп, ойранын шығарды (видео)

Бразилияға қарасты бір ауылда адасып кеткен есек өзге үйдің шатырына шығып алған. Жұқа қамыспен жабылған төбе оның салмағын көтермей, жануар төменге құлап түсті деп хабарлайды lenta.ru сайтына сілтеме жасаған NUR.KZ.

Ал үй иелері есектің бұл әрекетін қызық көріп, видеоға түсіріп алған.

Олар адасып кеткен жануардың үй төбесіне қалай шығып кеткенін түсінбей әлек. Жиналған тұрғындар таңданысын да жасыра алмады.

Айта кетейік, бұл оқиғадан үй иелері де жануар да зақымданбаған.