Әйгілі Лионель Месси қандай үйде тұрады? (видео)

Танымал аргентиналық футболшы Лионель Месси қайталанбас таланты арқасында қыруар қаржы алатыны сөзсіз. Жалақысы ең көп аяқдопшылардың үштігіне кіретін барселоналық жұлдыз не қаласа соны сатып алуға қауқарлы. Тіпті зәулім сарайды ғана емес оның маңындағы басқа да үйлерді өз иелігіне алу Месси үшін түкке тұрмаған деп хабарлайды sports.ru сайтына сілтеме жасаған NUR.KZ.

Лионель Месси баспаналы болғаннан кейін, басқа адамдар мазасын алмас үшін өз шаңырағы маңындағы үйлерді де сатып алған. Танымал футболшы үйі екі миллионға жуық тұрса, оның жөндеу жұмыстары алты миллион еуроға шықты.

Зәулім үй аумағында жеке хауыз бен үлкен футбол алаңы да бар. Аргентиналық жұлдыз шаңырағындағы ішкі интерьер Месси жұбайының жеке қалауы тұрғысында жасақталған.

Үй ішіне тіпті фитнес зал да сиып кетті. Бос уақытында спортпен шұғылдануды Месси ғана емес, хас сұлу әйелі Антонелло Рокуццо да жақсы көреді.