Көңілдесімен естен кетпес түн өткізген қалыңдық аста-төк тойдан кейін күйеуін тастап кетті

Мексикада 21 жастағы бойжеткен аста-төк үйлену тойынан кейін алты күн өткенде күйеуін тастап, көңілдесіне қашып кетті. Бұл туралы NUR.KZ порталы pure-t.ru сайтына сілтеме жасап хабарлайды.

Меган есімді бойжеткен той алдында қыз ойнақ өткізеді. Көңілді кеште жас жігітпен танысқан бойжеткен онымен естен кетпес түн өткізген. Тіпті той болғанға дейін сегіз апта бойы көңілдесімен байланысын үзбепті.

Ал бұл туралы мүлде хабарсыз болған күйеу жігіт Энди аста-төк той жасауға барынша қамданып жүреді. Нәтижесінде үйлену тойы дүркіреп өткенімен, қалыңдық той күнінен кейін алты күн өткенде Эндиді тастап, қашып кеткен.

Ол өзгеге кетіп қалуын, көңілдесімен төсек қатынасында өзін ерекше бақытты сезінетінімен түсіндіріпті.

"Мені сүйіктім пайдаланып кетті. Бұл жүрегіме батты. Бірнеше күн бұрын қайта көңіл жарастырмақ болып, одан кетіп қалуының себебін сұрадым. Нәтижесінде оның өзге жігітке тек төсек қатынасында менен жақсырақ болғаны үшін кетіп қалғанын білдім", - дейді Энди.

Энди бұл жайттан кейін неке жүзіктерін сатып жіберуге бел буады.