Телефон ұстап тұрған қызға күтпеген жерден найзағай түсіп кетті

Индонезияда телефон ұстап тұрған кішкентай қызға найзағай түсіп кетті. Бұл туралы Lenta сайтына сілтеме жасаған NUR.KZ хабарлайды.

Оқиға Батыс Ява провинциясындағы Богор ауылында болған. Найзағай ойнап жатқан кезде қыз бала тоққа қосылып тұрған ұялы телефон ұстап отырыпты.

Ал үйге найзағай түскен сәтте қыздың анасы балақайдың қолындағы телефонды токтан суырып үлгерген екен.

Алайда бұл уақытта Салабиса жерге құлап, дем ала алмай қалады. Оның беті телефонның тұсында жатса, кеудесі мүлде қарайып кетіпті.

Келіншек көршілерінен көмек сұрағанымен, бүлдіршінді аман алып қала алмаған.