RU

Ұлыбританияда қайтыс болған қыз бес баланың өмірін құтқарып қалды

Ұлыбританияда қайтыс болған қыздың ата-анасы оның жүрегін, бауырын, өкпесін, екі бүйрегі мен ұйқы безін науқас балаларға берді. Осылайша, марқұм қыз бес баланың өмірін құтқарып қалды деп хабарлайды Lenta.ru-ға сілтеме жасаған KAZ.NUR.KZ.

Элла Тэтчер, Фото: Anna Thatcher
Элла Тэтчер, Фото: Anna Thatcher: Facebook

Элла Тэтчер эпилепсияның сирек кездесетін түрі - Драве синдромына шалдыққан.

Ата-анасы 10 жастағы қызының аурудан айығып кететініне сенімді болыпты. Себебі оның жағдайы күннен-күнге жақсарып келе жатқан.

Бірақ 2018 жылы Элланың ұстамасы ұстап, ауруханаға түсіп қалыпты.

Ол белгілі бір уақытқа тыныс ала алмай қалған.

Дәрігерлер қызды құтқарып қалғанымен, көп ұзамай ата-анасына жайсыз хабарды жеткізген көрінеді. 

Ақ халаттылар Элланың миы ісіп, қызметін біржола тоқтатқанын айтыпты. 

"Оған көмектесе алмайтынымызды түсінгенде донорлық туралы ойландық. Элланың арқасында бес бірдей отбасы бала өлімін көрмейтін болды", - деді марқұмның анасы Анна. 

Ол аурудың кесірінен балаларынан айырылған ата-аналарды осы тұрғыда ойлануға шақырды. 

"Бұл сіздің балаңызды кері қайтармайды, есесіне біреудің өмірін құтқарды деген ой аз да болса жеңілдетеді", - дейді әйел. 

Мақаланың түпнұсқасы: https://kaz.nur.kz/kaleidoscope/1783864-lybritaniada-kajtys-bolgan-kyz-bes-balany-mirin-ktkaryp-kaldy/