Top.Mail.Ru

Сайт нұсқасы

ru kz

Зектілері

Көктемгі жалқаулықтан қалай арылуға болады?

Опубликовано:

Көктем шыққаннан бастап адам бойын жалқаулық пен енжарлық билейтіні рас. Ал сол әлсіздіктен құтылу үшін қандай жаттығулар жасау қажет? Бұл сұраққа ERNUR.KZ жауап береді.

Көрнекі фото: yogajournal.ru
Көрнекі фото: yogajournal.ru: Twitter

Кімнің де болмасын бұл күйден арылғысы келеді-ақ. Сіз де сондай күйді кешіп, бірақ одан арылып, өзіңізді сергек сезінудің жолын таппай жүрсеңіз, үш жаттығуды жасап көріңіз. Бұл үш жаттығуды жасау үшін күнделікті 10 минут та уақытыңыз кетпейді.

Пранаяма – ақыл-ойды негативтен тазарту

Бұл жаттығу сананы барлық негативті ойлардан тазалайды. Қандай да бір қиын не жағымсыз эмоционалдық күйде болсаңыз, одан да арылтады. Бойыңызды жағымды энергияға толтырады. Ойыңызды қаншалықты бір жерге жинақтап, жаттығуды мән бере жасайсыз, соншалықты нәтижелі болады.

Еденге отырып, арқаңызды тік ұстаңыз. Бас бармақты тік ұстап, қалған саусақтарды жұдырыққа жұмылдырыңыз. Екі қолды тік қалыпта жоғары көтеріңіз. Олардың арасы шамамен 60 градус бұрышты құрайтындай болсын. Осы қалыпта екі минут бойы отырасыз. Бұл уақыт аралығында тыныс алуыңызды бақылаңыз. Ең дұрыс тыныс алу – терең дем алып, содан соң демді жиі әрі үзік-үзік етіп шығару. Әр үзік дем шығару тұсында қарын-құрсақ бұлшықеттерін ішке қарай тартыңыз.

Крийя – құрбақа қалпы

Крийя – кез келген эмоционалдық тоқыраудан алып шығатын, бойды күш-қуатқа, өмір сүруге деген құлшынысқа толтыратын жаттығу түрі. Жүрелеп отырыңыз. Аяқ ұшымен отырып, екі өкшені бір-біріне тигізіңіз. Екі алақанды да еденге қойып, қолдарды тіреуіш етіңіз. Басты көтеріп, тіке алға қараңыз. Енді ішке қарай деміңізді тарта отырып аяғыңызды тіктеп, денеңізді көтересіз. Бұл кезде алақаныңыз еденнен ажырамауға және өкшелеріңіз еденге тимеуге тиіс. Тыныс шығарғанда бастапқы қалыпқа қайта келесіз. Осылайша 26, 54 немесе 108 рет орындау керек.

Садақшы қалпы – бойға батылдық, жанға жігер сыйлайды

Расында, бұл жаттығудың бойға батылдық, жанға жігер, жүзіңізге шуақ сыйлайтын құдыреті бар. Оны күн сайын жасап әдетке айналдырғандардың бастаған ісін соңына дейін аяқтау, алға қойған мақсатына жетпей тоқтамау сынды дағдылары қалыптасады. . Ендеше, екі аяқтың арасын алшақ ұстап, бір қырындап тұрыңыз. Алдыңғы тұрған аяқты 90 градусқа бүгіп, екіншісін тік ұстайсыз. Бір қолды еденге параллель қалыпта тік ұстап, екіншісін шынтақтан бүгесіз.

Бір сөзбен айтқанда, қолымда садақ бар деп елестетіп, оның жебесін жіберуге әзірленіңіз. Ойша нысананы көздеңіз. Осы қалыпта терең тыныс алып, бір минут бойы тұрыңыз. Сонан соң аяқ пен қолдардың орнын ауыстырып, екінші жақпен жасайсыз.

Мақаланың түпнұсқасы: https://kaz.nur.kz/kaleidoscope/1786064-kktemgi-zalkaulyktan-kalaj-aryluga-bolady/

pixel