Тау басында тікелей эфирге шыққан турист шыңнан құлап, қайтыс болды

Фудзияма шыңын бағындырғысы келген туристің әрекеті қайғылы жағдаймен аяқталды. Ол қайтыс боларының алдында әлеуметтік дтікелей эфирген кірген деп хабарлайды Publika.md сайтына сілтеме жасаған KAZ.NUR.KZ.

Турист көрермендерге шыңға апаратын жолдың қауіпті әрі тайғақ екенін айтып, төменге қарай құлап кетті.

Қайғылы оқиғаның видеосын Twitter желісінің қолданушысы жариялады. Онда жігіттің камерасымен бірнеше рет құлаған сәтін анық көруге болады.

Осыдан кейін желі қолданушылары бірден жергілікті билік өкілдеріне хабарласқан. Мамандар құтқару-іздестіру жұмыстарына кірісті.

Құтқарушылар азаматтың денесін бір күннен соң тапты.

Алайда жігіттің қатты зардап шеккеніне байланысты кім екені анықталмай отыр. Мәйіт сараптамаға жіберілді.