Миллиардер Ринат Ахметов әлемдегі ең қымбат үйді сатып алды (фото)

Украиналық миллардер Ринат Ахметов Франияның оңтүстігінен Villa Les Cedres тарихи вилласын сатып алды. Бұл ғимарат "жер бетіндегі ең қымбат үй" атанған деп хабарлайды KAZ.NUR.KZ.

Украиналық кәсіпкерге тиесілі SCM Holdings Limited компаниясы бұл сатып алуды "ұзақ мерзімді инвестиция" деп мәлімдеген.

Баспана Davide Campari-Milano SpA компаниясынан сатып алынған. Ахметов вилланы алу үшін 220 млн доллар немесе 83,4 млрд теңге жұмсапты.

Bloomberg таратқан ақпаратқа сәйкес, бизнесменнің жағдайы 6,1 млрд доллар немесе 2,5 трлн теңгеге бағаланған.

Ахметов мұнша қаражатты "Систем Кэпитал Менеджмент" компаниясының арқасында жинаған. Сондай-ақ кәсіпкер "Шахтер" футбол клубына иелік етеді.

Financial Times жазуынша, Солтүстік Америка мен Еуропада жылжымайтын мүлікке салынған инвестиция біраз ақша әкеледі. Басылымның мәліметінше, бұл тау-кен, металлургия, энергетика, БАҚ және көлік сияқты табысты.

Еске сала кетсек, бұған дейін өте қарапайым өмір сүретін миллионерлердің есімі белгілі болған еді.

Олардың арсында Билл Гейтс, Джефф Безос, Сергей Брин, Марк Цукерберг, Тим Кук және қытайлық Джек Ма бар.

Ең маңызды әрі қызықты жаңалықтарды біздің Telegram арнамыздан оқыңыздар!