RU

Смартфон сатып аларда не нәрсеге мән берген жөн

смартфон дим
Көрнекі фото: ww.vodafone.ua

Смартфонды сатып аларда процессоры мен Android нұсқасына мән берген жөн. Бұл жөнінде Massaget.kz порталы әлемдік статистикаға сүйене отырып хабарлады.

Танымал Antutu бенчмаркі 2020 жылдың төртінші кварталындағы смартфон сатып алушылардың статистикасын жариялады.

Онда тұтынушылардың өздері таңдаған смартфонның қандай артықшылығы мен сипаттамасына қарағаны талданған.

2020 жылдың соңында өндірілген смартфондардың көбі экраны 6,5 дюмды, сапасы – 2300х1080 пиксель. Оперативті жады – 6 ГБ, негізгі жады – 128 ГБ.

Өндірілген смартфондардың 59 пайызы – Qualcomm процессорын орнатқан гаджеттер.

Әрі осы уақытта өндірілген смартфондардың 80 пайызында Android 10 орнатылған.

Ал Android-тың 11-нұсқасы орнатылған смартфондардың саны 4 пайызды ғана құрайды.

Еске сала кетсек, осыған дейін ғалымдар ұялы телефонға тәуелді адамдарға смартфон жарығының зияны барын айтып, дабыл қаққан болатын.

Дерматологтар ұялы телефонға ұзақ үңілетіндерге бұл әдеттен арылуға кеңес беруде.

Зерттеушілер смартфонның көк жарығы күннің адам терісіне келтіретін зиянына теңбе-тең нұқсан келтіреді деген тоқтамға келген.

Биологиялық псориаз клиникаларында және Тері мен қатерлі ісік қорында жұмыс істейтін консултант-дерматолог Шьямалар Гунатхисанның айтуынша, смартфоннан шығатын көк түсті жарық адам терісін зақымдайды.

Мақаланың түпнұсқасы: https://kaz.nur.kz/kaleidoscope/1894183-smartfon-satyp-alarda-ne-nrsege-mn-bergen-zn/