Таразда Тәуелсіздіктің 30 жылдығына орай қандай мерекелік іс-шаралар өтуде

Қазақстан Тәуелсіздігінің 30 жылдығына орай әр сенбі күні кешке Тараз қаласының тұрғындарына мерекелік іс-шаралар ұйымдастырылуда. Күздің екінші айына дейін жалғасын табатын мұндай іс-шаралады нақты қай жерлерде тамашалауға болатынын материалдан оқыңыз.

1 сәуірінен бастап әр сенбі күні кешкі уақытта қала саябақтары мен қоғамдық орындарында түрлі концерттік бағдарламалар, көрмелер, спорттық ойындар өткізілуде. Қала тұрғындары Тәуелсіздіктің 30 жылдығына орай ұйымдастырылып жатқан бұл мерекелік іс-шараларда бос уақытын көңілді өткізу мүмкіндіктеріне ие болып отыр. Іс-шаралар барлығы 21 орында өткізіліп жатыр.

Іс-шаралар қай жерде өтуде:

1) Қазақстан Республикасының Тұңғыш Президенті саябағы;

2) Жамбыл облысының 80 жылдық мерейтойына орай ашылған Тараз қаласының орталығындағы «Көне Тараз» тарихи-этномәдени кешені;

3) Халық қаһарманы Қайрат Рысқұлбеков атындағы саябақ;

4) Бауыржан Момышұлы атындағы «Жеңіс» саябағы;

5) «Жастар» аллеясы;

6) «Қазақ халқына мың алғыс» монументі;

7) «Даңқ» аллеясы;

8) «Төрткөл» керуен сарайы;

9) «Мамыр» тоғайы;

10) Ықылас Дүкенұлы атындағы қалалық мәдениет үйі;

11) Төле би ескерткішінің маңы;

12) Абай Құнанбайұлы ескерткішінің маңы;

13) Жамбыл Жабаев ескерткішінің маңы;

14) Пушкин ескерткішінің маңы;

15) Есенин ескерткішінің маңы;

16) «Құмшағал», «Шөлдала» шағын аудандары;

17) «Қамұқат»;

18) «Қант зауыты» алқабы;

19) 15 мөлтек ауданы;

20) Қаратай Тұрысов көшесі;

21) «Sulpak» сауда үйінің алды.

Қандай мерекелік іс-шаралар ұйымдастырылуда:

• «Қос ішектің күмбірі!» күй тартысы;
• «Менің Отаным-Қазақстан» патриоттық әндер шеруі;
• «Әжелер тағылымы» байқауы;
• «Өнегелі отбасы-2021» байқауы;
• «Ұлттық өнер-сарқылмас қазына» шеберлік көрмесі;
• «Тәуелсіз елдің бақытты балалары» концерттік бағдарламасы;
• «Туған жерім-Қазақстан» шығармашылық қолөнер көрмесі;
• Тоғызқұмалақ пен асық ату ойынынан жарыс;
• Кітап көрмесі және өзге де іс-шаралар өткізіліп жатыр.

Ұйымдастырушылардың сөзіне сенсек, мұндай мерекелік іс-шаралар ағымдағы жылдың 30 қыркүйегіне дейін жалғасын табатын болады.