Адамдарды мультфильм кейіпкеріне айналдыратын суретші көптің назарын өзіне аударды
Опубликовано:
Бразилиялық суретші Хулио Сезар қарапайым адамдарды мультфильм кейіпкерлеріне айналдырады. Бүгінде оған өзінің суретін арнайы тапсырыспен салдыртатындар көбейген, деп хабарлайды Bigpicture.ru.
Басылымның жазуынша, Хулио Сезар мультфильм кейіпкерлерінің суретін салғанды ұнатады. Өз ойынан құрастырғаннан бөлек, ол әлеуметтік желідегі кез келген адамның суретін мультфильм кейіпкеріне айналдырып жібереді.
Көбінесе, суретші өзінің жұмысын Instagram парақшасында жариялап отырады. Бүгінде оның желіде 252 мың оқырманы бар.
Жалпы, Хулионың портреттері түрлі-түстілігімен және шынайылығымен ерекшеленеді. Ол фотоның түпнұсқасы мен өзі салған суретте аса айырмашылық болмауына мән береді.
Адамдарды мультфильм кейіпкерлеріне айналдыру өнері көпшілікке ұнағаны соншалықты, қазіргі таңда бразилиялық суретшіге тапсырыс жиі түсетін көрінеді.
Еске сала кетсек, бұған дейін қоқыстан ғажайып туындыларды жасайтын түркиялық суретші Дениз Сагдыч өнер сүйер қауымның назарын өзіне аударғанын жазған едік.
Дениз Сагдыч туындыларында пластик пакеттер мен стақандар, бөтелкелердің қақпағы, сымдардың қиындылары сынды түрлі заттарды пайдаланады.
Картиналарды жасауға бірнеше ай уақыт кетеді.
Мақаланың түпнұсқасы: https://kaz.nur.kz/kaleidoscope/1964680-adamdardy-multfilm-keiipkerine-ainaldyratyn-suretsi-koptin-nazaryn-ozine-audardy/