Тек адам мүсіндері "тұратын" ауылға тап болған фотограф таңданысын жасыра алмады
Опубликовано:
Юкисон лақап атымен танымал жапониялық фотограф Кен Оки Тояма префектурасында саяхаттап жүріп, адам мүсіндері "тұратын" ауылға тап болған, деп хабарлайды Bigpicture.ru.
Басылымның хабарлауынша, адам мүсіндерінен тұратын ерекше жер Фуреаи-Секибуцу-но-Сато ауылының маңында орналасқан.
"Мен өзімді құдды бір тыйым салынған аймаққа тап болғандай сезіндім. Адам сенгісіз жағдай", - деп жазған Кен Оки әлеуметтік желіде.
Шын мәнісінде ол саябақтың негізін қалаушы Муцуо Фурукаваның таныстары мен Будда құдайларының 800 түрлі мүсіні қойылған саябаққа кезіккен.
Бастапқыда саябақты адамдар демалатын және оларға тыныштық сыйлайтын танымал туристік орынға айналдыру көзделген.
Алайда уақыт өте келе мүсіндер өз қалпын жоғалтып, келушілерге жайсыздық тудыра бастаған көрінеді.
Еске сала кетсек, бұған дейін Қытайдың Сычуань провинциясындағы дизайны ерекше "Жуншюгэ" кітап дүкені адамдардың назарын өзіне аударғанын жазған едік.
Мақаланың түпнұсқасы: https://kaz.nur.kz/kaleidoscope/1967713-tek-adam-musinderi-turatyn-auylga-tap-bolgan-fotograf-tandanysyn-zasyra-almady/