Top.Mail.Ru

Сайт нұсқасы

ru kz

Зектілері

Көзіне елес немесе "әруақ" көрінген адам не істеу керек

Опубликовано:

Көзіне елес немесе әруақ көрінген адам не істеу керек
Көрнекі сурет: pixabay.com

Тылсым сырға толы әлем адам баласына таңсық. Десе де, дінде бұған қатысты пәтуалар мен шешімдер бар. Мәселен, көзіне елес көрінген адам не істеу керек? Бұл сұраққа ҚМДБ пәтуа және шариғат бөлімі жауап берді.

Жер бетінде адамдардан бөлек жындар әлемі бар. Олар адам баласы секілді Аллаға құлшылық етуге әмір етілген. Жындар оттан жаратылған, әртүлі бейнелер мен пішіндерге ене алатын қасиетке ие. Олардың мұсылмандары, кәпірлері, бой ұсынушылары, күнәһарлары бар. Ішеді, жейді, үйленеді, ұрпақ сүйеді, сондай-ақ, олардың жемейтіні, ішпейтіні де бар. Жындардың бар екендігі Құран және сүннет, ижмағпен бекіді. Олардың барлығына иман келтіру – уәжіп.

Алла Тағала Құранда жындар туралы былай деген: (Мен жындар мен адамзатты тек Өзіме құлшылық қылулары үшін ғана жараттым". "Ол адамды (Адам атаны) (қыш) (құмыра) секілді құрғақ лайдан жаратты. Ал жынды оттың жалынынан жаратты".

Пайғамбарымыз (оған Алланың салауаты мен сәлемі болсын): "Періштелер нұрдан, жындар жалындаған оттан, Адам болса, топырақтан жаратылған",- деген. Жоғарыда айтқанымыздай, жындар әртүрлі бейнелер мен пішіндерде көріне алады. Сондықтан "домовой", "елес", "адамның әруағын" көрдік деп жүргендер ол Алланың жаратылысы – жын болуы мүмкін.

Әртүрлі кейіптегі елесті, жынды көрген адамдар Алладан пана тілеп, олардан қорықпағаны жөн. Өйткені олар Алланың қалауынсыз ешкімге зиян бере алмайды. Пайғамбарымыз (оған Алланың салауаты мен сәлемі болсын): "Жындар жоқ (яғни, олар өздігінен ешкімге зиян бере алмайды)", - деген.

"Егер сендердің біреулеріңе жын-шайтандардың бірі елес болып көрінсе, азан айтыңдар", - деген. Яғни, олардың жамандықтарынан азан айтумен, Алланы зікір етумен сақтану керек. Қорыта айтқанда, адамның көзіне елес болып көрініп жүргендер –әртүрлі бейнеде көрінетін жындар. Олардан қорқудың қажеті жоқ.

Алайда әлеуметтік желілерде, сайттарда тарап жатқан бейнекадрлар мен фотосуреттердің басым көпшілігі монтаждалған өнім екенін ескеру қажет. Шын болған күннің өзінде олардан (жындардан) қорғану жолы Пайғамбарымыз (оған Алланың салауаты мен сәлемі болсын) үйреткен Құран және сүннетте келген зікірлерді оқып, өзіне дем салып жүрумен болады.

Мақаланың түпнұсқасы: https://kaz.nur.kz/kaleidoscope/1984497-kozine-eles-nemese-aruaq-koringen-adam-ne-isteu-kerek/

pixel