Ақтөбеде Гимнді бір уақытта 1000-нан астам адам орындады
Опубликовано:
Ақтөбеде Гимнді бір уақытта 1000-нан астам адам орындады. Ұлттық мерекеге орайластырылған «Бір Тудың астында» акциясы Ақтөбе қаласының орталық саябағында өтті.
Салтанатты шараға өңір басшысы Ералы Тоғжанов, қала әкімі Асхат Шахаров, еңбек ардагерлері, мәслихат депутаттары, Қоғамдық кеңес мүшелері, қоғамдық ұйымдардың өкілдері, жастар, мемлекеттік органдардың басшылары, барлығы 1000-нан астам адам қатысты.
Акция барысында мемлекеттілігіміздің бірегей символы көктуымызды көтеру рәсімі өтті.
Сонымен бірге қазақ халқының еркін рухы мен ұлттық бірегейлігін дәріптейтін Гимніміз орындалды.
Айта кетейік, республика күніне арналған іс-шаралар өңірде 3 қазанда басталды. Оның аясында қайырымдылық, экологиялық, патриоттық акциялар ұйымдастырылды.
Мақаланың түпнұсқасы: https://kaz.nur.kz/kaleidoscope/1994437-aqtobede-gimndi-bir-uaqytta-1000-nan-astam-adam-oryndady/
