Ливанда 80 мың бөтелкеден жасалған шырша қойылды

Ливандықтар экология үшін күресуде. Олар биыл шыршаны жасыл пластиктен құрастырып шыққан. Оны жасауға 80 мыңға жуық пластик бөтелке жұмсалған, деп хабарлайды KAZ.NUR.KZ МИР 24 порталына сілтеме жасап.

БАҚ-тың мәліметінше, шыршаны құрастыруға қажет шикізат, яғни бөтелкелер елдің түкпір-түкпірінен, тұрғындардың белсенділігінің арқасында жиналған.

Енді ерекше шырша "Көлдегі Рождество" фестиваліне келушілердің назарын аударуда.

Ұйымдастырушылардың айтуынша, бұл туынды қалдықтарды сұрыптау мен қалдықтарды дұрыс қайта өңдеудің маңыздылығын көрсетуге арналған.