60-қа жуық адам келген: Бельгияда шағаланың дауысын салудан чемпионат өтті (видео)

Бельгияда шағаланың дауысын салудан Еуропа чемпионаты өтті. Чемпионатқа 14 елден 60-қа жуық адам келген, деп хабарлайды 24KZ.

Телеарнаның мәліметінше, қазылар чемпионатта құстың үнін салғандарды ғана емес, олардың киім киісі мен шағалаға ұқсастығын да бағалаған.

Сайыста бірінші орынды Даниядан келген қатысушы иеленген.

Ұйымдастырушылардың айтуынша, мұндай чемпионатты өткізудегі мақсат – тұрғындар арасында құстарға деген құрметті, жанашырлықты арттыру.

Айта кетейік, бұған дейін Алматы тұрғыны көшеден тауыс құсын тауып алғанын жазған едік. Ер адам бастапқыда қандай құс екенін білмегенін, десе де үйіне әкеліп, суын, жемін бергенін айтады.

Мәтіннен қате тапсаңыз, бізге жазыңыз