ТЖМ қызметкерлері жабайы түлкіні құдықтан шығарып алды (видео)

Қостанайда ТЖМ қызметкерлері тереңдігі үш метрден асатын құдықтан жабайы түлкіні шығарып алды, деп хабарлайды ТЖМ-ға сілтеме жасаған KAZ.NUR.KZ.

Ведомствоның мәліметінше, Қостанай қаласының тұрғыны 112 жедел қызмет пультіне хабарласып, Баймағамбетов көшесінде жабайы түлкінің құдыққа түсіп кеткені туралы хабарлаған.

Оқиға орнына ТЖМ жедел-құтқару жасағының қызметкерлері дереу жеткен.

Олар тереңдігі үш метрден асатын құдыққа баспалдақ арқылы түсіп, арнайы құралдың көмегімен түлкіні шығарып алған.

Кейін жабайы жануар тасымалдауға арналған арнайы жәшікке салынып, қоғамдық қор қызметкерлеріне берілген.

Жыртқыш ешқандай жарақат алмаған.

Мәтіннен қате тапсаңыз, бізге жазыңыз