RU

iPhone 6s және iPhone 6s Plus смартфондарының бағасы аталды

Apple компаниясының жаңадан шығарылған iPhone 6s және iPhone 6s Plus смартфондарының бағасы аталды.

Олар 8 қыркүйекте ресми түрде көпшілік назарына ұсынылып, саудаға шығарылады. Бірақ қазірдің өзінде бұл смартфондардың бағасы біртіндеп белгілі болуда.

Бүкіл әлемнің өндірістік қажеттілігін қанағаттандырушы Қытай нарығының өкілдеріне сенсек, бүгінде ол жақта iPhone 6s-тың 32, 64 және 128 ГБ жадылы модельдері, сәйкесінше $850, $980 және $1110 сатылуда екен.

Ал iPhone 6s Plus смартфондары қымбаттау болмақ. Оның 32, 64 және 128 ГБ жадылы модельдері, сәйкесінше $980, $1110 және $1254 сатып алуға болады деп хабарлайды newsru.com.

Мақаланың түпнұсқасы: https://kaz.nur.kz/kaleidoscope/823004-iphone-6s-zhane-iphone-6s-plus-smartfondarynynh-baghasy-ata/