Қытай көгінде "жүзген" қала жұртты таң қалдырды (видео)
Опубликовано:
Қытайдың Фошань елді мекенінің үстінен көкте алып елес қаланың жүзіп өткені камераға түсіріп алынды. Бұлттар арасынан биік мұнаралы ғимараттары бар заманауи мегаполис айқын көзге түседі, деп хабарлайды Bnews.kz.
«Ертегі қаланы» бірнеше минут бойы жүздеген жергілікті тұрғын бақылаған.
Мамандардың айтуынша, бұл фата-моргана деген атауға ие сағым тәрізді. YouTube желісіне салынған бейнероликтерге қарағанда, «аспандағы қала» Фошань елді мекенінің көгінен 7 қазанда жүзіп өтсе, 12 қазанда бұл құбылыс Цзянси провинциясының аспанынан байқалған. Ол жарты сағатқа созылған, деп хабарлайды Mysterious Universe.
Фата-моргана – бұл жердегі жанның көкжиегінің арғы жағындағы жайттарды көретіндей жағдайлардың туындауы. Атмосфера түрлі тығыздықтағы және түрлі температурадағы қабаттардан тұратынын ескерсек, аталған қабаттардың қабысу тұсында жарықтың шағылысуы үшін қолайлы жағдайлар туындайды, сағым содан пайда болады.
Мақаланың түпнұсқасы: https://kaz.nur.kz/kaleidoscope/925587-qytay-koginde-zhuzgen-qala-zhurtty-tanh-q/
