Қалжыңдап болса да "ажырасам" деген cөзді неге айтуға болмайды?

Ойнап болса да "ажырасам" деген сөзді айтуға болмайды деп жазады muslim.kz.

Кейде талақ етуді ниеттеніп емес, жай ғана талақ ету сөздерін пайдаланып әзілдеп айтуы мүмкін. Мысалы, бір ер әйеліне әзілдеп немесе мазақтап, «мен сені талақ еттім» десе, не болмаса әйелі оған әзілдеп «мені талақ етсейші» десе оған күйеуі де ойнап «иә, талақ еттім» дейтін болса, Әбу Ханифа мен Имам Шафиғи бойынша, талақ іске асып, екеуі сол сәтте ажырасып кетеді.

Өйткені әзілдеп айтса да талақ ету сөзін біле тұра айтып тұр. Бұған мына төменде келтірілген мысалдар куә.

«Алланың аяттарымен ойнамаңдар» – аяты дәлел. Имам Мұхаммед бізге Алла елшісінің (с.ғ.с.): «Үш нәрсенің қалжыңы да, расы да жүзеге асады (яғни шындыққа есептеледі): талақ, азат ету және неке», – дегені жеткен дейді.

Абдулла ибн Масғуд (р.а.) жеткізген риуаятта пайғамбарымыз (с.ғ.с.): «Шын мәнінде, талақ етудің ойыны мен шындығы бірдей болғанындай неке қиюдың да қалжыңы мен расы пара-пар (есептеледі)», - дейді.

Ал Әл-Хасан риуаят еткен хадисте Алла елшісі (с.ғ.с.): «Кімде-кім ойнап, не қалжыңдап талақ қылса немесе ойнап неке қиса, ол оған рұқсат етіледі (яғни жүзеге асады)», - дейді.

Ибн Масғуд (р.а.): «Кімде-кім ойнап талақ қылса, неке қиса немесе (құлды) азат етсе, ол оған рұқсат етіледі (ол шынайы жүзеге асқаны)», - деп айтқан. Ата: «Кім ойнап неке қиса немесе талақ қылса, ол есептеледі (шынайы жүзеге асады)» және «талақ пен некеде қалжың жоқ (жүрмейді)», - деген.

Әбу Дарда (р.а.): «Үш нәрседе: некеде, талақта және құл азат етуде қалжыңдаушы рас айтушы (есептеледі)», - деп айтқан.

Тағы да оқыңыздар:

ШҚО-да Қытаймен шекарадағы ауылдар қаңырап бос қалып жатыр

Димаш Құдайбергеннің "сүйіктісі" қытай қыздарының қызғанышын тудыруда (фото)

Қостанайлық әкім аязда көше жуып жүрген әйелдерге жаны ашығанын айтты (фото)

Қытайда бір әулеттің 500 мүшесі жиналып суретке түсті (фото)

Католик шіркеуінің өкілдері алпыс жыл бойы мыңдаған баланы зорлап келген

Британ премьері орамал тағатын әйелдерді қолдайтынын ашық айтты