Жазда ішуге жеңіл сорпаны қалай пісіруге болады: Диана салқын "окрошканың" рецебін ұсынды

Окрошка - жаз мезгілінде дайындалатын, жеңіл әрі құнарлы сорпа. Оны үй жағдайында оп-оңай даярлауға болады. Бүгінгі материалда әйгілі сорпаны әзірлеудің ең оңай жолын ұсынамыз.

Окрошка - жаз мауысымында салқын күйінде берілетін жеңіл әрі құнарлы тағам. Әйгілі сорпаның рецебімен танымал фудблогер Диана Есенбекова таныстырады.

Сипаттамасы

Асхана: славян елдері

Санаты: басты тағам

Дайындалу уақыты: 5 минут

Дайын болу уақыты: 10 минут

Құрамы

Жұмыртқаның сарысы - 4 дана

Аскөк, көк пияз - қалауыңызша

Қаймақ - 120 г

Тұз, қара бұрыш - дәміне қарай

Қыша - жарты ас қасық

Айран - 180 г

Газдалған сусын - қалауыңызша

Картоп - 3 дана

Қияр - 2 дана

Редис көкөнісі - 3-4 дана

Ет - 300 г

Дайындалуы

1. Жұмыртқаның сарысы мен көк шөптерді араластырамыз

Жұмыртқаның сарысын шанышқымен жақсылап езіп аламыз. Үстінен аскөк, көк пиязды ұсақтап турап, барлығын жақсылап араластырамыз.

2. Қаймақ пен қышаны қосамыз

Қоспаға қаймақ пен қыша қосамыз. Дәміне қарай тұз бен бұрыш себеміз. Барлығын жақсылап араластырамыз.

3. Айран мен газдалған сусынды қосамыз

Қоспаға алдымен айранды құямыз. Сосын газдалған сусынды қосамыз. Барлық құрамды жақсылап араластырамыз.

4. Картоп пен қиярды қосамыз

Картопты пісіріп аламыз. Сосын орташа етіп, шаршы түрінде турап, сорпаға қосамыз. Қиярды да орташа шаршы пішінде түрінде турап, негізгі құрамға қосамыз.

5. Редисканы қосамыз

Орташа мөлшердегі редис көкөнісін тазалап жуып, орташа шаршы түрінде тураймыз. Сорпаға қосамыз.

6. Шұжық немесе етті қосамыз

Алдымен етті пісіріп аламыз. Ұсақтап турап, сорпаға қосамыз. Еттің орнына қалауыңызша шұжық қоссаңыз болады. Осылайша окрошка тағамы дайын болады.