Құлпынай джемі: Гүлжанат Нұрышевадан жазғы тосап рецебі

Құлпынай джемін жаз мезгілінен бөлек, қысқа да сақтап қойсаңыз болады. Балалар сүйіп жейтін тосаптың рецебімен бүгінгі материалда таныс боалсыздар.

Құлпынай джемінің ерекше рецебімен танымал фудблогер Гүлжанат Нұрышева таныстыратын болады. Блогердің YouTube арнасында осыдан бөлек өзге де түрлі дәмді тағамдардың рецебімен таныса аласыздар.

Сипаттамасы

Асхана: Еуропа

Санаты: десерт

Дайындалатын уақыты: 10 минут

Дайын болу уақыты: 15 минут

Құрамы

Құлпынай (тазартылған) - 1,5 кг.

Қант - 1,5 кг

Лимон шырыны - 2 ас қасық

Дайындалуы

1. Құлпынайды тазартамыз

Құлпынайды түбінен тазартып, жақсылап жуып аламыз. Джемге қажет қант пен лимон шырынын да алдын ала дайындап қоямыз.

2. Құлпынайдан пюре жасаймыз

Жуылған құлпынайды түбі қалың кастрюльге саламыз. Сосын блендермен жақсылап езіп, жидектен пюре жасаймыз.

3. Қант қосамыз

Құлпынай пюресіне қант қосамыз. Екеуін жақсылап араластырамыз.

4. Джемді қайнатамыз

Дайын болған джемді орташа отқа қойып, қайнатамыз. Тосаптың асты күйіп кетпес үшін, оны жиі-жиі араластырамыз. Қайнаған соң, джемнің көбігін аламыз.

5. Лимон шырынын қосамыз

Қайнап бітерге 5-7 минут қалғанда, лимон шырынын қосамыз. Джемді жақсылап араластырамыз. Лимон шырынын қосу маңызды. Ол джемде қою қызыл түс пен қышқылтым дәм береді.

6. Дайын болған джемді банкаларға құйып шығамыз

Дайын болған джемді таза банкаға құямыз. Осылайша, үй жағдайында джемді оңай әрі тез дайындауға болады.