Құлпынай бәліші: түрлі жеміс-жидектен пісіруге болатын дәмді десерттің рецебі

Жаз маусымында жақындарыңызды түрлі жеміс-жидектен әзірленетін тәттілермен қуантсаңыз болады. Солардың бірі - құлпынай бәліші. Жасалу жолы оңай әрі дәмі тіл үйіретін десерттің рецебімен бүгінгі материалда таныс болыңыздар.

Маңызды тұстар

Бұл мәтін автоматты түрде ЖИ көмегімен жазылған және редактор тексермеген, сондықтан фактологиялық және грамматикалық қателер болуы мүмкін. Толығырақ жарияланымда.

• Фудблогер Гүлнар Ертай құлпынай бәлішінің рецебін ұсынады.
• Бәліш құрамында жұмыртқа, қант, сары май, ұн, қопсытқыш және құлпынай бар.
• Дайындалу процесі алты қадамнан тұрады, соңында бәліш 180 градуста 25-30 минут пісіріледі.

Дәмі тіл үйіретін құлпынай бәлішінің рецебімен фудблогер Гүлнар Ертай таныстырады. Фудблогердің желідегі парақшасында тәтті десерттермен бірге көптеген дәмді тағам рецептерімен де таныс бола аласыздар.

Сипаттамасы

Асхана: Еуропа

Санаты: десерт

Дайындалу уақыты: 15 минут

Дайын болу уақыты: 25-30 минут

Құрамы

Жұмыртқа - 3 дана

Тұз - шым-шым

Қант - 120-150 г

Cары май - 120 г

Ұн - 200 г

Қопсытқыш - 1 шай қасық

Құлпынай - 250 г

Бәліштің бетіне арналған қамыр:

Қант - 20 г

Ұн - 50 г

Сары май - 30 г

Дайындалуы

1. Қант пен жұмыртқаны араластырамыз

Алдымен шұңыл ыдысқа жұмыртқаларды жарып, саламыз. Үстінен қант себеміз. Сосын екеуін көпіргенше, жақсылап араластырамыз.

2. Cары май қосамыз

Жұмыртқа мен қанттың қоспасына бөлме температурасындағы сары майды қойсамыз. Миксермен барлығын жақсылап араластырамыз.

3. Ұн қосамыз

Бәліштің сұйық құрамына електен өткен ұн мен қопсытқышты қосамыз. Осылайша, ұнды біртіндеп қосып, сұйық қамыр дайындаймыз.

4. Қамырды формаға құйып, бетіне құлпынайды саламыз

Қамырды формаға құйып, бетіне туралған құлпынайды саламыз.

5. Бәліштің бетіне қамыр дайындаймыз

Бәліштің бетіне ұн мен қант, сары майды араластырып, үгілімелі қамыр дайындаймыз. Оны бәліштің бетіне біркелкі етіп себеміз.

6. Бәлішті пісіреміз

Формадағы бәлішті алдын ала қызып тұрған пешке, 180 градуста, 25-30 минут пісіреміз. Піскен бәліштің бетіне әсемдік үшін, қант ұнтағын сепсеңіз болады.