Туралған қияр: Нұрзина Серікбаевадан қияр тұздаудың ерекше тәсілі

Күзгі маусымда көкөністерді тұздап, қысқа қазірден бастап дайындалғаныңыз абзал. Әдетте көптеген қыз-келіншектер қиярды тұтастай тұздап жатса, бүгінгі рецептте қияр тұздаудың ерекше рецебін ұсынатын боламыз.

Маңызды тұстар

Бұл мәтін автоматты түрде ЖИ көмегімен жазылған және редактор тексермеген, сондықтан фактологиялық және грамматикалық қателер болуы мүмкін. Толығырақ жарияланымда.

• Нұрзина Серікбаева қияр тұздаудың ерекше әдісін ұсынады - қиярды тұтастай емес, туралған күйінде тұздау.
• Рецепт бойынша қиярды туралып, арнайы дәмдеуіштермен, сарымсақпен және аскөкпен бірге банкаларға салынады.
• Тұздау процесі қайнаған су, тұз, қант, аспирин және сірке суын қосу арқылы жүзеге асырылады, нәтижесінде дәмді тіскебасар дайындалады.

Туралған қиярды тұздау әдісімен танымал фудблогер Нұрзина Серікбаева таныстыратын болады. Блогердің YouTube арнасынан осы сынды көптеген тағамның рецебімен таныса аласыздар.

Сипаттамасы

Асхана: славян

Санаты: тіскебасар

Дайындалу уақыты: 1 cағат

Дайын болу уақыты: 10 минут

Құрамы

Сарымсақ - 12 дана

Аскөк - қалауыңызша

Қант - 2 ас қасық

Қияр - 3 кг

Тұз - 4 ас қасық

Лавр жапырақтары - 4 дана

Қара домалақ бұрыш - 16 дана

Хрен жапырақтары - 4 дана

Сірке суы қоспасы

Дайындалуы

1. Қияр мен сарымсақты тураймыз

Алдымен қиярды губкамен жақсылап жуып, екі жақ шетін алып тастаймыз. Сосын суық суға салып, 2-3 cағатқа қалдырамыз. Кейін қиярды судан алып, орташа төртбұрыш пішінде тураймыз. Сонымен бірге, сарымсақтың қабығын аршимыз.

2. Банкаларды тазартып жуып, дәмдеуіштерді саламыз

Банканың қақпақтарын қайнаға суға салып, қайнатып аламыз. Сол сияқты көлемі 0,5 л және 1 л болатын банкаларды дайындаймыз. Ол үшін банкаларға қайнаған суды құйып, қақпағын жауып, 5 минутқа қалдырамыз. Сосын ішіндегі суын төгіп тастаймыз. Хрен жапырақтарын жуып, әр банкаған хрен мен аскөк өскіндерін саламыз. Сонымен бірге әр банкаға 3 тісше сарымсақ пен лавр жапырағын, қара домалақ бұрышты саламыз.

3. Қиярды банкаларға саламыз

Туралған қиярды банкаларға саламыз. Бөлек шәйнекке суды қайнатып, банкадағы қиярдың бетіне, барлығын жауып тұратындай етіп құямыз. Банкалардың бетін қақпақпен жауып, 30 минутқа қалдырамыз.

4. Тұз, қант пен аспирин қосамыз

Әр банкадағы суды төгіп тастаймыз. Сосын 0,5 л банкаға 0,5 қасық тұз бен 1 л банкаға 1 ас қасық тұз қосамыз. Қантты да дәл осындай мөлшерде қосамыз. Сонымен бірге әр банкаға аспиринді де дәл осындай көлемде қосамыз. Тағы да суды қайнатып, әр банғаға құйып шығамыз. Аспиринді салып, оның толық еруін күтеміз.

5. Банкаларды жабамыз

Көлемі 0,5 л банкаға 1–3 тамшы сірке суын, ал бір литрлік банкаларға 0,5 шай қасық сірке суын қосамыз. Банкалардың қақпақтарын арнайы құралмен мықтап бекітіп жабамыз. Банкаларды төңкеріп, жылы көрпешемен жауып қойыңыз. Банкалардың 1-2 күннен кейін суық жерге шығарып қойсаңыз болады.