Пештегі орамжапырақ пен тауық еті: Анаргүл Құдайбергеновадан ерекше кешкі ас рецебі

Отбасы мүшелеріне кешкі асқа қыз-келіншектер пеште пісірілетін орамжапырақ пен тауық етін әзірлеп бере алады. Үй жағдайында оңай әрі тез даярланатын тағамның рецебімен бүгін таныс бола аласыздар.

Маңызды тұстар

Бұл мәтін автоматты түрде ЖИ көмегімен жазылған және редактор тексермеген, сондықтан фактологиялық және грамматикалық қателер болуы мүмкін. Толығырақ жарияланымда.

• Анаргүл Құдайбергенова пеште пісірілетін тауық еті мен орамжапырақтың рецептін ұсынады.
• Тағамның құрамында тауықтың төс еті, пияз, қызанақ, жұмыртқа, қаймақ, орамжапырақ және ірімшік бар.
• Тағам 250 градуста 45 минут пісіріледі, соңында бетіне ірімшік себіліп, тағы 5-10 минут пісіріледі.

Пеште пісірілетін тауық еті мен орамжапырақтың рецебімен танымал фудблогер Анаргүл Құдайбергенова таныстырады. Блогердің YouTube арнасынан осы сынды көптеген тағамның рецебімен танысуға болады.

Сипаттамасы

Асхана: славян елдері

Санаты: басты тағам

Дайындалуы уақыты: 10 минут

Дайын болу уақыты: 45 минут

Құрамы

Тауықтың төс еті - 1 кг

Пияз - 1 дана

Қызанақ - 2 дана

Жұмыртқа - 1 дана

Қаймақ - 2 ас қасық

Тұз, қара бұрыш - дәміне қарай

Орамжапырақ - жарты

Сұйық май - 3-4 ас қасық

Дәмдеуіштер - дәміне қарай

Қатты ірімшік - 300 г

Дайындалуы

1. Тауықтың төс етін тураймыз

Тауықтың төс етін жақсылап жуып аламыз. Сосын кесектеу етіп турап, шұңғыл ыдысқа саламыз.

2. Пияз бен қызанақты қосамыз

Алдымен пияздың қабығын аршып, ұсақтап тураймыз. Сосын қызанақты ірілеу етіп тураймыз. Тауық етіне қосамыз.

3. Жұмыртқа мен қаймақ қосамыз

Еске бір жұмыртқа мен екі ас қасықты толтыра қаймақ қосамыз. Дәміне қарай тұз, қара бұрыш пен дәмдеуіштерді қосамыз. Барлығын жақсылап араластырамыз.

4. Орамжапырақты турап, противеньге саламыз

Орамжапырақтың жартысын видеодағыдай етіп, үлкен бөліктермен тураймыз. Сұйық майға дәмдеуіштерді қосып, орамжапырақтың бетіне жағамыз.

4. Салмасын саламыз

Орамжапырақтың бетіне салмасын саламыз. Алдын ала қызып тұрған пешке, 250 градуста 45 минут пісіреміз. Бетіне ірімшікті үккіштен өткізіп, бетіне себеміз. Пешке тағы да 5-10 минутқа қойып, суыған соң, дастарханға ұсынамыз.