Тәтті "шырша": жаңа жылдық дастарханға ерекше десерт рецебі

Қатпарлы қамырдан жасалатын шырша пішіндегі тәттілер - жаңа жылдық кешке арналған ерекше десерттің бірі. Ол өте оңай әрі жылдам дайындалады. Үй жағдайында мерекелік десертті даярлап көріңіз.

Маңызды тұстар

Бұл мәтін автоматты түрде ЖИ көмегімен жазылған және редактор тексермеген, сондықтан фактологиялық және грамматикалық қателер болуы мүмкін. Толығырақ жарияланымда.

• Шырша пішіндегі тәтті дайындау рецепті ұсынылады, ол қатпарлы қамырдан жасалады және жаңа жылдық дастарханға арналған.
• Десерт дайындау үшін қажетті ингредиенттер: қатпарлы қамыр, жұмыртқа, қоюландырылған сүт және сүзбелі ірімшік.
• Дайындау үдерісі үш кезеңнен тұрады: қамырдан шырша пішіндерін жасау, оларды пісіру және кремді дайындап, пішіндерге жағу.

Сипаттамасы

Асхана: Еуропа

Санаты: десерт

Дайындалу уақыты: 5 минут

Дайын болу уақыты: 20 минут

Құрамы

Жұмыртқа - 1 дана

Қатпарлы қамыр - 1 дана

Қоюландырылған сүт - 2 ас қасық

Сүзбелі ірімшік - 2 ас қасық

Дайындалуы

1. Қамырдан шырша пішіндерін жасаймыз

Қатпарлы қамырдың бір бөлігін қалыңдығы 7 мм етіп жаямыз. Десертке қажет пішін үшін, жұлдыз тәрізді пішіннің үш түрлі көлемін алып, 4 ірі, 8 орташа және 8 кішкентай жұлдыз пішін жасаймыз.

2. Қамырды пісіреміз

Пешті алдын-ала 200 °C-қа дейін қыздырамыз. Противеньге для пергамент қағазын төсеп, десерттерді рет-ретімен орналастырамыз. Әр бөлікті пышақпен тесіп шығамыз. Бетіне жұмыртқа жағамыз. Осылайша, пешке 10-15 минутке салып, пісіріп аламыз.

3. Крем дайындаймыз

Пиалаға сүзбелі ірімшікті саламыз. Сосын қоюлатылған сүтті қосамыз. Екеуін жақсылап араластырамыз. Піскен қамырдың бетіне дайын болған кремді жағып шығамыз.

4. Десертті жинаймыз

Десертті жинау үшін, тіс шұқитын таяқшаларды пайдаланамыз. Алдымен тәрелкеге жұлдызшалардың ең үлкенін салып, таяқшаны ортасына қоямын. Сосын орташа қамырды, соңында кішкентайын саламын. Осылайша, десерт дайын болып шығады. Оны әсемдеу үшін, түрлі-түсті ұнтақты пайдаланса болады.