ҚМДБ еліміз бойынша Құрбан айт намазының кестесін жариялады

Ертең, 9 шілде – Құрбан айт мейрамының алғашқы күні. Қазақстан мұсылмандар діни басқармасы осы күні оқылатын Құрбан айт намазының еліміз бойынша әзірленген кестесін ұсынды, деп хабарлайды KAZ.NUR.KZ.

Айта кетейік, Құрбан Айт - мұсылмандардың ең маңызды мерекелерінің бірі, ол Ораза айттан соң 70 күннен кейін тойланады.

Биыл Құрбан айт үш күнге жалғасады.

Сондай-ақ бұған дейін еліміздің бас мүфтиі Наурызбай қажы Тағанұлы қасиетті Құрбан айт мерекесін қалай өткізу керектігін айтып берген еді.

Бас мүфтидің сөзінше, Құрбан айтта жағдайы келген мұсылманға құрбандық шалу – міндет.

Адам баласы құрбандық шалу арқылы Алланың берген ризық-несібесіне шүкір етеді. Құдайдың нәсіп еткен мал-дүниесінің бір бөлігін көмекке мұқтаж жандарға үлестіріп, олардың да ақысын беріп, қуанышқа бөлейді, дейді Наурызбай қажы Тағанұлы.

Мәтіннен қате тапсаңыз, бізге жазыңыз