2015 жылы Ұлттық банк теңге бағамын қолдауға $17,7 млрд жаратты

2015 жылы Ұлттық банктің валюта нарығына жасаған интервенцция көлемі $17,7 млрд болды, деп мәлім етті банк төрағасы Данияр Ақышев.

Ұлттық банк төрағасының мәлімдемесін ҚазтАГ хабарлады.

«Жалпы алғанда Ұлттық банктің 2015 жылы валюта нарығында валюта сату түріндегі интервенция көлемі 17,7 млрд АҚШ доллары болды», - деді Данияр Ақышев бейсенбі күнгі баспасөз мәслихатында.

Ішкі валюталық нарықта теңге/долларо валюталық жұпта 2015 жылы операциялар көлемі 2014 жылмен салыстырғанда 38,5% төмендеп, $62,4 млрд болды.