RU

Қазақстанда өткен аймен салыстырғанда қандай азық-түлік тауарлары едәуір қымбаттады

Чек достают из принтера
Фото: Daniel Karmann/Picture Alliance/Getty Images

Ағымдағы жылдың сәуір айында кейбір көкөністердің бағасы едәуір өсті. Қандай азық-түлік тауарлары басқаларға қарағанда қымбаттағанын Нурфин тілшілері анықтады.

Ұлттық статистика бюросының мәліметтері бойынша, сәуір айында ағымдағы жылдың наурызымен салыстырғанда азық-түлік емес және азық-түлік тауарларының бағасы орта есеппен 1%-ға өсті.

Бір айда ақылы қызметтер орташа алғанда 0,5%-ға қымбаттады. Осылайша, ай сайынғы инфляция 0,9%-ды, ал жылдық 7%-ды құрады.

Қандай азық-түлік тауарлары қатты қымбаттады

Бағасы едәуір қымбаттаған алғашқы үштікке көкөністер кірген: қызылша, картоп және сәбіз. Олардың бағасы бір айда сәйкесінше 17,1%, 12% және 10,5%-ға өсті.

Күнбағыс майы да қымбаттаған, сәуірде оның орташа бағасы 2,5%-ға өсті.

Сонымен қатар, тауық аяғының құны - 2,3%-ға, жемістер - 2%-ға, қой еті - 1,7% -ға, ет өнімдері - 1,2%-ға, жарма - 1%-ға, шошқа еті - 0,9%-ға, макарон, шай мен пастерленген сүттің құны - 0,8%-ға, ұн - 0,7%-ға және сиыр еті - 0,6%-ға көтерілді.

Минералды және ауыз су 2%, алкогольсіз сусындар 0,9%, алкогольді сусындар 0,7%-ға қымбаттады.

Сәуірде бағалардың ай сайынғы төмендеуі де байқалған: қияр - 9,6%, апельсин - 1,5%, қызанақ - 1,1%, күріш - 0,6%-ға арзандады.

Азық-түлік емес тауарлардың бағасы қалай өзгерді

Азық-түлік емес тауарлардың ішінде тұрмыстық техника өткен аймен салыстырғанда 2%-ға өсті.

Сондай-ақ, жеке тауарлар, шыны және керамикалық бұйымдар мен құрылыс материалдарының бағасы 0,7% -ға көтерілген.

Автокөліктер бір айда 0,6%, матадан жасалған өнімдер - 0,5%, жуғыш заттар мен тазалағыш заттар, киімдер мен аяқ киімдер - 0,4%-ға қымбаттады. Бензин құны 6% -ға, ал дизельдік отын - 0,9% -ға өсті.

Мақаланың түпнұсқасы: https://kaz.nur.kz/nurfin/1910978-qazaqstanda-otken-aimen-salystyrganda-qandai-azyq-tulik-tauarlary-edauir-qymbattady/