RU

Неліктен мұнай бағасымен бірге теңге де көтерілмейді: Сарапшы түсіндірді

Теңге
Көрнекі фото: NUR.KZ/Петр Карандашов

Жақында ғана мұнай бағасы көтерілгенімен нарықтағы теңге бағамы нығаймай отыр. Отандық сарапшы мұның себебін түсіндіріп берді деп хабарлайды КТК телеарнасы.

Экономист Арман Бейсембаевтың айтуынша, мұнай бағасы қымбаттаған кезде 1 доллар 400 теңгеге дейін арзандауы тиіс еді. Алайда елдің үш жылдық бюджеті бір доллар үшін 420 теңге деңгейінде бекітілген.

"Біз оны төмендете алмаймыз, өйткені біздің бюджетімізге сай келмейді. Біз шикізатты сатамыз, біз шикізат өндірушілеріміз. Біз шикізатты экспорттаймыз, валюталық түсім аламыз және оларды айырбастаймыз. Біз бюджетімізді толтырамыз, импортты сатып аламыз, бәрі осымен байланысты", - деді сарапшы.

Осылайша, жақын арада ұлттық валюта бағамында үлкен өзгерістер күтілмейді, өйткені сарапшылардың пікірінше, теңге әлі де жасанды түрде шектеледі.

Ұзақ мерзімді перспективада жағдай өзгеруі мүмкін, бірақ бұл нақты қашан болатыны әлі белгісіз.

Дереккөз: КТК телеарнасы

Еске сала кетсек, бұған дейін Қазақстан мұнай газ саласы сервистік компаниялар одағы төралқасының төрағасы Рашид Жақсылықов Қазақстанда мұнайдан түскен табыстың қанша пайызы елімізде қалатынын айтқан еді.

Мақаланың түпнұсқасы: https://kaz.nur.kz/nurfin/1934235-nelikten-munai-bagasymen-birge-tenge-de-qymbattamaidy-sarapsy-tusindirdi/