Қазақстанда доллар тағы да көтерілді

АҚШ валютасы тағы да қымбаттады. Таңғы саудада шетел валютасының 3,23 теңгеге көтерілгені аңғарылды. Бұл ақпаратты Қазақстан қор биржасының ресми сайты ұсынды.

23 ақпан күні таңертең Қазақстанда доллар бағасы 437,35 теңгеге дейін көтерілді. Яғни бір тәулікте шетел валютасы 3,23 теңге қымбаттаған.

Қазіргі уақытта доллар екінші деңгейдегі банктер мен айырбастау пунктерінде төмендегідей бағада саудалануда:

• Нұр-Сұлтан: сатып алу – 435-436 теңге; сату – 439,5 - 441 теңге;
• Алматы: сатып алу – 432-437,7 теңге; сату – 435 -441 теңге;
• Шымкент: сатып алу – 435-436 теңге; сату – 439,5-441 теңгеден бастап.