Ұлттық банк базалық мөлшерлемені қанша пайызға көтерді

Ұлттық банк базалық мөлшерлемені 13,5%-ға көтерді, деп хабарлайды KAZ.NUR.KZ тілшісі қаржы ұйымының ресми сайтына сілтеме жасап.

"Қазақстан Республикасы Ұлттық банкінің ақша-кредит саясаты жөніндегі комитеті базалық мөлшерлемені +/-1,00 п.т. пайыздық дәлізімен 13,5% деңгейінде белгілеу туралы кезектен тыс шешім қабылдады", - делінген хабарламада.

Шешім 2022 жылғы 24 ақпанда күшіне енеді.

Айта кетейік, Ұлттық банк осы жылдың қаңтар айында ғана базалық мөлшерлемені жылдық 10,25% деңгейінде белгілеу туралы шешім қабылдаған болатын.