Еліміздің бірқатар қаласындағы ақша айырбастау орындарында доллар сатып алу мүмкін болмай тұр
Опубликовано:
Нұр-Сұлтан мен Алматының және өзге де қалалардың ақша айырбастау орындары долларды сату және сатып алу процедурасын тоқтатты.
28 ақпан сағат 10-40-тағы жағдай бойынша Kurs.kz порталында барлық бағанада "USD" деп жазылып тұр.
Бұл АҚШ валютасын елде сату және сатып алу мүмкін емес екенін білдіреді.
Айта кетсек, 28 ақпан, сағат 09:50-дегі жағдай бойынша Алматыдағы ақша айырбастау орындарының жартысы доллар сату және сатып алуды тоқтатқан еді.
Ал Нұр-Сұлтанда доллар бір ғана айырбастау орнында сатылған болатын.
Еске сала кетсек, бұған дейін Ұлттық Банк пен "Қазақстан қор биржасы" теңге - АҚШ доллары валюта жұбы бойынша сауда-саттық регламентін өзгерту туралы шешім қабылдағанын жазған едік.
Сауда-саттық 28 ақпанда Нұр-Сұлтан қаласының уақыты бойынша сағат 15-00-де Франкфурт аукционы форматында ашылады.
Мақаланың түпнұсқасы: https://kaz.nur.kz/nurfin/1958348-elimizdin-birqatar-qalasynda-aqsa-aiyrbastau-oryndarynda-dollar-satyp-alu-mumkin-bolmai-tur/