Қазақстан қор биржасында доллар 503 теңгеге дейін өсті
Опубликовано:
Қазақстан қор биржасындағы соңғы сауда-саттықтың қорытындысы бойынша доллар бағамы тағы өсті, деп хабарлайды KASE-тың ресми сайты.
Қазіргі уақытта АҚШ валютасы 503,30 теңгені құрап отыр. Жарты күнде доллар 2 теңгеге қымбаттаған.
Таңғы сессияда бір доллар 501,64 теңге болған еді. Осылайша, кешегі тәуліктен бері доллардың орташа бағамы 3,58 теңгеге өскен.
NUR.KZ сайтының ақша айырбастау бағамы парақшасындағы ақпарат бойынша қазір:
Нұр-Сұлтанда бір долларды сатып алу 492-513 теңге аралығында. Ал сату 498-518 теңге.
Алматыда сатып алу 492-516 теңге аралығында болса, сату 498-522 теңге аралығында.
Ал Шымкентте АҚШ валютасын 492-513 теңгеге сатып алып, 498-518 теңгеге сатуға болады.
Айта кетейік, бұған дейін кейбір ақша айырбастау пункттері доллар сатуды тағы да тоқтатқанын жазған едік.
Мақаланың түпнұсқасы: https://kaz.nur.kz/nurfin/1959522-qazaqstan-qor-birzasynda-dollar-503-tengege-deiin-osti/