KASE саудасының қорытындысы: Елімізде доллар сәл арзандады

Қазақстан қор биржасында 4 сәуір күні кешке доллардың теңгеге шаққандағы бағамы әлсіреді, деп хабарлайды KASE ресми сайты.

Кешкі саудадан кейін доллардың орташа бағамы 471,83 теңгені құрап отыр.

Айта кетейік, таңғы сауданың қорытындысы бойынша АҚШ валютасының бағамы 473,66 теңге болған.

NUR.KZ сайтының ақша айырбастау бағамы парақшасындағы ақпарат бойынша, екінші деңгейлі банктер мен ақша айырбастау орындарында доллар төмендегідей саудалануда:

• Алматы: сатып алу – 466-472 теңге, сату – 473-477 теңге;
• Нұр-Сұлтан: сатып алу – 466-470 теңге, сату – 473-476 теңге;

Kurs.kz cайтының деректері бойынша, Алматының ақша айырбастау орындары АҚШ валютасын 467-471 теңгеге сатып алып, 473-475 теңгеден сатып жатыр. Ал Нұр-Сұлтанда мұндай нүктелер долларды 467-471 теңгеге сатып алып, 473-475 теңгеге сатуда.