Теңгедегі депозиттердің ең жоғары мөлшерлемесі артты
Опубликовано:
Қазақстанның депозиттерге кепілдік беру қоры теңгедегі депозиттердің ең жоғары мөлшерлемесін арттырды, деп хабарлайды KAZ.NUR.KZ қордың ресми сайтына сілтеме жасап.
Қордың мәліметінше, Ұлттық банк базалық мөлшерлемені көтеруге байланысты Қазақстанның депозиттерге кепілдік беру қоры 27 қазаннан бастап қазан және қараша айлары үшін мерзімсіз депозиттер, мерзімді және жинақ салымдары бойынша 3 және 6 айға ұсынылатын ең жоғары мөлшерлемелерді арттыру туралы шешім қабылдаған.
Депозит бойынша ұсынылатын жаңа мөлшерлеме туралы шешім биыл 27 қазаннан бастап күшіне енеді.
Еске салайық, бұған дейін Қазақстан Ұлттық банкі базалық мөлшерлемені 16 пайызға дейін көтергенін хабарлаған едік.
Мақаланың түпнұсқасы: https://kaz.nur.kz/nurfin/1994585-tengedegi-depozitterdin-en-zogary-molserlemesi-artty/