Қазақстанда доллар бағамы шамамен 7 теңгеге арзандады

Бүгін, 11 қараша күні түстен кейін доллар шамамен 7 теңгеге күрт арзандады. Бұған KASE Қазақстан қор биржасының ресми порталындағы күндізгі сауда-саттық мәліметтері дәлел, деп хабарлайды KAZ.NUR.KZ.

Күндізгі сауда нәтижесінде доллар бағамы соңғы саудадан бері 6,72 теңгеге төмендеп, 462,01 теңгені құрады. NUR.KZ сайтының айырбас бағамы екінші деңгейлі қазақстандық банктер долларды келесі бағамен саудалап жатқанын хабарлады.

Алматыда: сатып алу – 457,5-464,5 теңге, сату – 464-469,5 теңге;

Астанада: сатып алу – 457,5-459 теңге, сату – 464-466 теңге.

Бұл ретте, Kurs.kz сайтының мәліметінше, қазақстандық айырбастау пункттері долларды келесі бағамен сатып алып, сатып жатыр:

Алматыда: сатып алу – 465 теңге, сату – 469 теңге;

Астанада: сатып алу – 462-465,2 теңге, сату – 466-467 теңге.