Қазақстанда доллар тағы да қымбаттады

Қазақстан қор биржасында доллар тағы қымбаттады – бүгін америкалық валютаның құны 500 теңгеге жақындады. Бұл туралы KASE сайтына сілтеме жасаған KAZ.NUR.KZ хабарлайды.

Доллардың орташа сараланған бағамы кейінгі саудадан соң 0,93 теңгеге көтеріліп, 499,51 теңгені құрады.

NUR.KZ сайтының айырбас бағамы бетіндегі мәліметтерге сәйкес, 22 қарашаға арналған екінші деңгейдегі қазақстандық банктерде долларды сатып алу және сату мынадай бағам бойынша жүзеге асырылады:

Астанада: сатып алу - 496-498 теңге, сату - 502 теңге;

Алматыда: сатып алу - 496-504 теңге, сату - 503-507,5 теңге.

Kurs.kz мәліметінше, айырбас орындарында доллар келесі бағамен сатылуда:

Алматыда: сатып алу – 500-506 теңге, сату – 502-508 теңге;

Астанада: сатып алу – 499-500 теңге, сату – 504-506 теңге.